पुरुषका लागि सुपरफूड हुन् यी १० खानेकुरा, यौन जीवन पनि उत्कृष्ट हुने

पुरुषका लागि सुपरफूड हुन् यी १० खानेकुरा, यौन जीवन पनि उत्कृष्ट हुने

महिलाजस्तै पुरुषलाई पनि केही विशेष पोषक तत्वको आवश्यकता पर्छ । पुरुषमा इरेक्सन र यौनसँग सम्बन्धित विभिन्न समस्या हुन्छन् । साथै, पुरुषमा पोस्टेट क्यान्सरजस्ता गम्भीर रोगको खतरा पनि रहन्छ । केही यस्ता खानेकुरा छन् जसले पुरुषको यौन जीवनका साथै स्वास्थ्य पनि सुधार्ने काम गर्छ । यस्ता खानेकुराले रोगबाट पनि जोगाउँछ भने शरीरलाई फिट राख्छ । आउनुहोस्, यस्ता खानेकुराबारे जानकारी लिऔं ।

फ्याटी फिशः

साल्मन, हेरिंग, सार्डिन र हलिबेटजस्ता फ्याटी फिश हेल्दी फ्याटको निकै राम्रो स्रोत हो । यसमा पाइने ओमेगा थ्री फ्याटी एसिडले मुटुरोगबाट जोगाउँछ । शोधका अनुसार महिलाको तुलनामा पुरुषमा मुटुरोगको समस्या बढी हुन्छ । त्यसैले आफ्नो खानामा फ्याटी फिश पक्कै पनि समावेश गर्नुहोस् ।

चकलेटः

सन्तुलित मात्रामा चकलेट खाँदा रक्त संचारमा सुधार आउँछ । डार्क चकलेटमा फ्लेवनल अत्यधिक मात्रामा पाइन्छ जसले ब्याड कोलेस्ट्रोललाई कम गर्छ, रक्त सञ्चार सही राख्छ र रक्तचाप पनि नियन्त्रण गर्छ । जुन पुरुषमा रक्त सञ्चार सही तरिकाले हुँदैन उनीहरुमा इरेक्सनसँग सम्बन्धित समस्या बढी हुने सम्भावना रहन्छ । त्यसैले पुरुषले सन्तुलित मात्रामा चकलेटको सेवन गर्नुपर्छ ।

अदुवाः

अदुवामा एन्टी इन्फ्लेमेटरी गुण हुन्छ । व्यायामका बेला थुप्रै पुरुषको मांसपेशीमा संकुचन आउँछ जसका कारण शरीर दुख्ने गर्छ । अदुवाले मांसवेशीको चोटमा आराम प्रदान गर्छै र पीडा र सुन्निने समस्यालाई पनि कम गर्छ ।

दुध र दहीः

दुध र दही ल्यूटिनको निकै राम्रो स्रोत हो । यो अमिनो एसिडले विशेष रुपमा मांसपेशी बनाउन मद्दत गर्छ । दहीमा प्रोटिन, पोटासियम र राम्रो ब्याक्टेरिया हुन्छ जसले आन्द्रालाई स्वस्थ राख्छ ।

सोया फूड्सः

विभिन्न शोधका अनुसार सोया फूड्सले पुरुषमा हुने प्रोस्टेट क्यान्सरबाट जोगाउने गर्छ । यसबाहेक यसले एस्ट्रोजन हार्मेन पनि बढाउँछ । पुरुषले आफ्नो खानामा सोयाबिन, टोफू, मीसो सूप र सोया दुध समावेश गर्नुपर्छ ।

रंगी बिरंगी सागसब्जीः

रंगी बिरंगी सागसब्जी बिटा क्यारोटिन, ल्यूटिन र भिटामिन सीले भरपुर हुन्छ । शोधका अनुसार यी पोषक तत्वले बढेको प्रोस्टेटलाई कम गर्छ । यसका लागि आफ्नो खानामा गाजर, फर्सी, शख्खरखण्ड र क्याप्सिकम समावेश गर्नुहोस् ।

हरियो पत्तेदार सागसब्जीः

पालुङ्गो र केरा आँखाका साथै प्रोस्टेटका लागि पनि राम्रो मानिन्छ । यसमा ल्यूटिन र जेक्सेन्धिन भरपुर मात्रामा पाइन्छ । यी दुई पोषक तत्वले मोतीबिन्दू र उमेरसँगै हुने रोगबाट जोगाउँछ ।  

अण्डाः

अण्डाले ल्यूटिन, प्रोटिन र आइरन प्रदान गष्र्छ तर यसका लागि तपाईंले एउटा पूरै अण्डा खानुपर्छ । अण्डाको नानीमा १८५ एमजी कोलेस्ट्रोल हुन्छ जुन स्वस्थ व्यक्तिलाई एक दिनमा चाहिन्छ । यदि तपाईं अण्डा खाइरहनुभएको छ भने हाई कोलेस्ट्रोलयुक्त खानेकुरा नखानुहोस् ।

ब्राउन राइसः

ब्राउन राइस फाइबरको उत्कृष्ट स्रोत हो । यदि तपाईंलाई ब्राउन राइस मन पर्दैन भने यसमा तपाईं थोरै सेतो चामल पनि मिसाउन सक्नुहुन्छ । ब्राउन राइसले स्वस्थ तौल बढाउँछ र मुटुरोग र टाइप टु मधुमेहको खतरालाई कम गर्छ ।

एभोकाडोः

एभोकाडोमा मोनोस्याचुरेटेड फ्याट हुन्छ जसले बढेको ब्याड कोलेस्ट्रोललाई कम गर्छ । स्याचुरेटेड र ट्रान्स फ्याटको साटो आफ्नो खानामा मोनोअनस्याचुरेटेड फ्याट समावेश गर्नुहोस् । २५–३५ प्रतिशतभन्दा बढी क्यालोरी फ्याटको सेवन नगर्नुहोस् । ओलिभ ओइल र नट्समा पनि गुड फ्याट हुन्छ ।

Share This
  • 5
  •  
  •  
  •  
  •  
  •  
  •  
  •  
  •  
  •  
    5
    Shares