सरकारी बैंकहरूको खराब कर्जा फेरि बढ्न थाल्यो

सरकारी बैंकहरूको खराब कर्जा फेरि बढ्न थाल्यो

काठमाडौँ  : सरकारी बैंकहरूको खराब कर्जा पुनः बढ्न थालेको छ । सञ्चालनमा रहेका २७ वाणिज्य बैंकहरूले पुस मसान्तमा प्रकाशन गरेको अपरिस्कृत वित्तीय विवरण अनुसार  सरकारी स्वामित्वको राष्ट्रिय वाणिज्य बैंकको खराब कर्जा असोज मसान्तको ४.१ प्रतिशतको तुलनामा बढेर ४.२३ प्रतिशत पुगेको छ । राष्ट्रिय वाणिज्य बैंकको कुल कर्जा पोर्टफोलियो १ खर्ब ७० अर्ब रुपैयाँको छ । 

त्यस्तै, खराब कर्जा उल्लेख्य हुने अन्य दुई बैंकहरूमा कृषि विकास बैंक र नेपाल बैंक लिमिटेड रहेका छन् । कृषि विकास बैंकको एक खर्ब ३२ अर्बको कर्जा पोर्टफोलियोमध्ये ३.१४ प्रतिशत छ । कृषि विकास बैंकले चालु आर्थिक वर्षको पहिलो त्रैमास अर्थात् असोजसम्म खराब कर्जा २.३७ प्रतिशतमा झारेको थियो । अर्को सरकारी बैंक नेपाल बैंक लिमिटेडको खराब कर्जा २.८८ प्रतिशत छ । नेपाल बैंकको कर्जा एक खर्ब २० अर्ब रुपैयाँ पुगेको छ । निजी बैंकहरूको तुलनामा सरकारी बैंकहरूमा ऋण असुलीमा केही समस्या रहेको खराब कर्जाको बढ्दो आकारले संकेत गरेको छ । 

बैंक  खराब कर्जा (कुल कर्जाको %), पुस  खराब कर्जा (कुल कर्जाको %), असोज
राष्ट्रिय वाणिज्य बैंक २.४२ ४.१०
कृषि विकास बैंक२.७५  २.८०
नेपाल बैंक२.८८३.०२
नेपाल इन्भेष्टमेन्ट बैंक३.१४२.३७
एनसीसी बैंक४.२३४.१०

विगतमा उच्च सञ्चालन खर्च र खराब कर्जा बढ्दै नेटवर्थ नेगेटीभ भएका यी सरकारी बैंकलाई सरकारले वित्तीय क्षेत्र सुधार कार्यक्रम अन्तर्गत पुँजी लगानी गरी सुधार गरेको थियो । यिनीहरूको सुधारसँगै राष्ट्र बैंकको नियमन तथा सुपरिवेक्षणमा सञ्चालन हुने व्यवस्था गरिएको हो । यसअघि यी वित्तीय संस्थाहरू छुट्टाछुट्टै ऐनद्वारा सञ्चालित थिए । 

पुस मसान्तसम्मको वित्तीय विवरण अनुसार, सबैभन्दा कम खराब कर्जा हुने बैंकहरूमा एभरेष्ट बैंक, नेपाल एसबीआइ बैंक, एनआइसी एसिया बैंक, सानिमा बैंक र नबिल बैंक रहेका छन् । 

बैंक  खराब कर्जा (कुल कर्जाको %), पुस  खराब कर्जा (कुल कर्जाको %), असोज
एभरेष्ट बैंक 0.१९ 0.२२
नेपाल एसबीआई बैंक0.१९  0.२५
एनआइसी एसिया बैंक0.४३0.४०
सानिमा बैंक0.५८0.४०
नबिल बैंक0.६०0.६५
Share This
  • 3
  •  
  •  
  •  
  •  
  •  
  •  
  •  
  •  
  •  
    3
    Shares