धनगढीमा मास्क नलगाउने १६६ जनालाई कार्वाही

धनगढीमा मास्क नलगाउने १६६ जनालाई कार्वाही

उत्तम थापा, २१, साउन (धनगढी)
जिल्ला प्रशासन कार्यालय कैलालीले हालसम्म मास्क नलगाएर सार्वजनिक स्थानमा हिड्ने १६६ जनालाई कार्वाही गरेको जनाएको छ । त्यसबाट १६ हजार ६ सय राजस्वसमेत संकलन भएको जनाइएको छ । सवारी साधन प्रयोगकर्ताले मास्क नलगाए कार्वाहीमा कडाई गरिने कैलाली जिल्ला प्रशासन कार्यलयका सुचना अधिकारी शिवराज जोशीले जनकारी दिएका छन् ।
जिल्ला प्रशासन कार्यालयमा सरुवा रोग संक्रमण ऐन २०२० मुताविक काम कार्वाही अगाडी वढाइएको उनले जानकारी दिए । कार्वाही अन्तर्गत १ महिना कैद र एक सय जरिवाना हुने र हालसम्म १६६ जना कार्वाहीमा परिसकेको उनले बताए ।
कार्वाही वाफत हालसम्म १६ हजार ६ सय राजस्व संकलन गरिएको र बुधवार धनगढीमा भएको चेक जाँचका क्रममा मास्क नलगाएर कार्वाहीमा परेका वाट ६ हजार ६ सय राजस्व संकलन भएको उनले जानकारी दिए ।
कैलालीको अन्य पालिकामा सवारी चेकजाँचलाई कडाई गरिएको र अर्का सुचना प्रकाशित नभएसम्म काम कार्वाहीलाई निरन्तत अगाडी बढाउने उनले बताए ।
जिल्ला प्रसासन कार्यालय कैलाली, जिल्ला प्रहरी कार्यालय कैलाली, जिल्ला ट्राफिक कार्यालय कैलालीको संंयुक्त रुपमा काम कार्वाही गरिरहेको उनको भनाई छ ।

Share This
  •  
  •  
  •  
  •  
  •  
  •  
  •  
  •  
  •  
  •