कुमारी बैंकद्धारा प्रदेश सरकारलाई सहयोग

कुमारी बैंकद्धारा प्रदेश सरकारलाई सहयोग

सुदीप थापा, २० चैत (धनगढी)
कोरोना भाईरस सक्रमण रोकथाम, नियन्त्रण तथा उपचार कोषमा बिहीबार कुमारी बैंक लिमिटेडले संस्थागत सामाजिक उतरदायित्व कार्यक्रम अन्तर्गत सहयोग गरेको छ । मुख्यमन्त्री त्रिलोचन भट्ट समक्ष बैंकका प्रदेश प्रमुख दीपक खनालले १० लाख रुपैयाको चेक हस्तान्तरण गरेका हुन् । कार्यक्रममा प्रदेश सरकारका मन्त्रीहरुको पनि उपस्थिती रहेको थियो ।
अन्य बैकंहरुलेसमेत कोषमा योगदान गरिरहेका छन् । कोषमा प्रदेश सरकार आफैले ४० करोड जम्मा गरेको छ । निजी क्षेत्रका बेंकहरुले हालसम्म ४७ लाख सहयोग गरेका छन् ।
कोराना जोखिम नियन्त्रण कोषमा सिद्धार्थ बैँक लिमिटेडले १० लाख, सिटिजन्स बैँकले ७ लाख, कृषि विकास बैँक र नेपाल बैँक लिमिटेडले ५÷५ लाख रकम सहयोग गरेका छन् । यस्तै कोषमा धनगढीका आठ जनाले पनि १६ हजार पाँच सय ५१ रुपँैया जम्मा गरेको प्रदेश सरकारले जनाएको छ ।

Share This
  • 47
  •  
  •  
  •  
  •  
  •  
  •  
  •  
  •  
  •  
    47
    Shares