ल्याब टेस्टमा विशेष छुट प्याकेज

ल्याब टेस्टमा विशेष छुट प्याकेज

धनगढी डाइग्नोेस्टिकको तेस्रो वार्षिकोत्सव सोमबार

२५ फागुन (धनगढी)
धनगढी डाइग्नोस्टिक्स एण्ड रिसर्च सेन्टरले आफ्नो वार्षिकोत्सवको पूर्वसन्ध्यामा विरामीको ल्याब परीक्षणमा विभिन्न छुटका प्याकेजहरु सार्वजनिक गरेको छ । स्वास्थ्य हब बन्दै गएको धनगढीमा धनगढी डाइग्नोष्टिक एण्ड रिसर्च सेन्टर अध्याधुनिक प्रविधि जडित ल्याब हो ।
धनगढी डाइग्नोस्टिक्सले सोमबार आफ्नो तेस्रो बार्षिकोत्सव विशेष कार्यक्रमकाबीच मनाउन लागेको छ । सोही पूर्वसन्ध्यामा पत्रकार सम्मेलनको आयोजना गरी होलबडी प्याकेज ५ हजार, मिनि होलबडी प्याकेज २ हजार र थाइराइड जाँच ५ सयमा गराउन लागेको आईतबार धनगढीमा पत्रकार सम्मेलन गरी जानकारी दिएको हो ।
एयसक्राफ्ट म्यूजियम अगाडीपट्टि रहेको डाइग्नोस्टिक्स एण्ड रिसर्च सेन्टर प्रालिका प्रबन्धक महेन्द्र साउँदका अनुसार हालसम्म ६ सय ७० जनाको निःशुल्क मधुमेह जाँच, ७ हजार बढीको सिकलसेल जाँच गरिएको छ ।
वार्षिकोत्सवकै पूर्वसन्ध्यामा डाइग्नोस्टिक्स एण्ड रिसर्च सेन्टरले टिसिएन चोकमा रहेको मानव सेवा आश्रम तारानगरमा रहेका अनाथ, असहाय, घरबार विहीन २९ जना बृद्धाबृद्धहरुको निःशुल्क स्वास्थ्य परीक्षण गरेको अध्यक्ष मीनबहादुर धामीले बताए । त्यसक्रममा स्वास्थ्यकर्मी सहितको टोली आश्रममै पुगेर निःशुल्क रगत, सुगर, मिर्गौला, एचआइभी, हेपाटाइटिस बि परीक्षण गर्नुका साथै फलफूल वितरण गरेको प्रबन्धक निर्देशक साउँदले बताएका छन् । ३ बर्षमा डाइग्नोस्टिक्सले धनगढी लगायत विभिन्न ठाउँमा निशुल्क शिविर आयोजना गर्दै आएकोे जनाएको छ ।

Share This
  • 123
  •  
  •  
  •  
  •  
  •  
  •  
  •  
  •  
  •  
    123
    Shares