सुदूरका एक्ला प्रतिस्पर्धी कमललाई भोट दिन अपिल

सुदूरका एक्ला प्रतिस्पर्धी कमललाई भोट दिन अपिल

सुदीप थापा, ११ माघ (धनगढी)
नेपाल आइडलमा सुदूरपश्चिमबाट एक्ला प्रतिस्पर्धी रहेका कमल सोपलाई विजयी गराउनका लागि एसएमएस भोट गर्न परिवारजनले अपिल गरेका छन् । धनगढीमा कमल सोप जिताउ अभियानको सुरुवात गर्दै भोट दिन अपिल गरिएको हो । धनगढीमा आयोजित पत्रकार सम्मेलनमा कमलका बुवा नरवहादुरले भोटिङकै आधारमा कमलको नेपाल आइडलको यात्रा निर्धारण हुने भएकाले भोट दिन अपिल गरेका हुन् । कमललाई भोट गर्न मोबाईलको म्यासेज बक्समा गएर NI 01 देखि 37000 मा पठाउनु पर्ने छ । भोट शुक्रवार राति साढे ८ बजेदेखि आउँदो सोमबार मध्यान १२ बजेसम्म गर्न सकिने छ । बिहिबार प्रसारण भएको नेपाल आईडलको गाला राउण्डमा पनि सोपको आवाजको निर्णायकहरुले प्रशंसा गर्दै आवाज राम्रो भएको भन्दै शुभकामना दिएका थिए ।
कमल सोप जिताउ अभियानका अगुवा विजय कार्कीले सुदूरपश्चिमबाट आइडलमा सोव एक्ला प्रतिस्पर्धी भएकाले सबैलाई भोट दिएर साथ दिन आग्रह गर्नुभयो। धनगढीका सोव नेपाल आइडलको उत्कृष्ट १२ मा पुगिसको छन् । ५ कक्षासम्मको पढाई डोटीको बुडरमा गरेका सोप त्यसपछिको अध्ययनलाई अगाडी बढाउन धनगढी प्रवेश गरेका थिए । माध्यमिक शिक्षासम्मको पढाई सकेपछि सुदूरपश्चिमाञ्चल एकेडेमीमा भर्ना भएका सोपले स्थानीयस्तरमा आयोजना हुने विभिन्न कार्यक्रममा सहभागीता जनाउँदै आएका थिए ।

Share This
  •  
  •  
  •  
  •  
  •  
  •  
  •  
  •  
  •  
  •