डोटीमा भूकम्पमा परी ६ जनाको मृत्यु
काठमाडौं । डोटी केन्द्रविन्दु भएर मंगलबार राति गएको भूकम्पले घर भत्किँदा कम्तिमा ६ जनाको मृत्यु भएको छ भने ५ जना घाइते भएका छन् । राष्ट्रिय भूकम्प मापन केन्द्रका अनुसार डोटीस्थित खप्तड राष्ट्रिय निकुञ्ज क्षेत्रमा केन्द्रविन्दु भएर ६.६ म्याग्निच्युडको भूकम्प गएको हो ।
डोटीको पूर्वीचौकी गाउँपालिकाको वडा नं ३ गैरागाउँमा घर भत्किँदा घरमा च्यापिएर ६ जनाको मृत्यु भएको हो।मृत्यु हुनेमा पूर्वीचौकी गाउँपालिका–३ गैरागाउँका भगवती बोहरा, सीता बोहरा, हर्क बोहरा, प्रेम बोहरा, तुलसी बोहरा र धनसरी बोहरा रहेका छन् ।स्थानीयका अनुसार राति सुतेको समयमा भूकम्प गएकाले भूकम्पले घर भत्किँदा मानिसहरु घरभित्रै च्यापिएका थिए ।
भूकम्पमा परी पाँच जना घाइते रहेका र उपचारका लागि अस्पताल ल्याइएको छ।थप उद्धारका लागि प्रभावित क्षेत्रमा नेपाली सेना, नेपाल प्रहरी, सशस्त्र प्रहरी, जनप्रतिनिधि लगायत उद्धारमा खटिएका छन् । घरका भग्नावशेष पन्छाउने र प्रभावितहरुको व्यवस्थापन गर्ने काममा नेपाली सेनाको भैरवप्रसाद गण डोटीको टोली खटिएको छ ।
भूकम्प प्रभावित क्षेत्र फोटो फिचर–
