जिम्बावे ‘ए’विरुद्ध नेपालले टस जितेर फिल्डिङ गर्दै

काठमाडौं । जिम्बावे ए विरुद्धको दोस्रो टी २० क्रिकेटमा नेपालले पहिले फिल्डिङ गर्ने भएको छ ।
कीर्तिपुरस्थित त्रिवि क्रिकेट मैदानमा नेपालले टस जितेर फिल्डिङ रोज्दै जिम्बावेलाई ब्याटिङको निम्तो दिएको छ ।
आजको खेलमा नेपालले टिममा एक खेलाडी परिवर्तन गरेको छ । आरिफ शेखको ठाउँमा भीम सार्की टिममा छन् ।
सिरिज जोगाउन नेपालका लागि आजको खेलमा जित निकाल्नु पर्ने अवस्था । नेपाली टोलीका कप्तान सन्दीप लामिछानेले सिरिजका बाँकी खेलमा सहज जित निकाल्दै सिरिज जित्ने रहेको बताएका छन् ।